About St Mary's Jacobite Syrian Church, Kattilapoovam in Kattilapoovam, Thrissur

കൊല്ലവർഷം 1127-ൽ പരിശുദ്ധ അന്ത്യോഖ്യ സിംഹാസനത്തിനു കീഴിൽ, വിശുദ്ധിയുടെ നിറകുടവും, സർവ്വ നന്മകളുടെയും ഉറവിടവുമായ, വി.ദൈവമാതാവിന്റെ തിരുനാമത്തിൽ കട്ടിലപൂവം സെൻറെ. മേരീസ് യാക്കോബായ
സുറിയാനി പള്ളി സ്ഥാപിതമായി. ദേശത്തിൻറെ കെടാവിളക്കും നാനാജാതി മതസ്തുരുടെ അഭയ കേന്ദ്രവും ആയി ഈ ദേവാലയം വിളങ്ങി നിൽക്കന്നു.

2002-ൽ സുവർണ്ണ ജൂബിലി ആഘോഷിച്ച ഇടവകയിൽ ഇന്ന് 600-ഓളം ഇടവകക്കാർ ഉണ്ട്. വിശുദ്ധ ദേവാലയത്തിൻറെ നാല് ദിക്കുകളിലും വിശ്വാസികളുടെ ആത്മീയ ആവശ്യങ്ങൾ നിറവേറ്റുന്നതിനായി,ശുദ്ധിമതിയുടേയും-വിശുദ്ധന്മാരുടേയും നാമത്തിൽ കുരിശുപള്ളികൾ സ്ഥാപിച്ചിട്ടുണ്ട്. വിശ്വാസികളുടെ ആത്മീയ വർദ്ധനക്കായി പള്ളിയുടെ കീഴിൽ വിവിധ ഭക്തസംഘടനകളായ സണ്‍‌ഡേ സ്കൂൾ, യൂത്ത് അസോസിയേഷൻ, വനിതാ സമാജം, കുടുംബ യൂണ്ണിറ്റുകൾ, അന്ത്യോഖ്യ വിശ്വാസ സംരക്ഷണസമിതി എന്നിവ നല്ല നിലയിൽ പ്രവർത്തിച്ചു വരുന്നു.

സത്യവിശ്വാസത്തിൽ നിന്നും അണുവിട വ്യതിചലിക്കാതെ നമ്മുടെ പൂർവികർ പകർന്നു നൽകിയ (ഏറ്റു പറഞ്ഞ) വിശ്വാസത്തെ മുറുകെ പിടിച്ച് ആത്മീയ ജീവിതം കെട്ടിപെടുക്കുവാൻ വിശ്വാസികളായ നമ്മൾ പ്രതിജ്ഞാബദ്ധരാണ്.ആകമാന സുറിയാനി സഭയുടെ തലവനായി അന്ത്യോഖ്യൻ സിംഹാസനത്തിൽ അതാതുകാലം വാണരുളുന്ന പരിശുദ്ധ പാത്രിയർക്കീസ് ബാവയോടും, പരിശുദ്ധ സിംഹാസനത്തിന് കീഴിലുള്ള സഭയുടെ പ്രാദേശിക തലവൻ ശ്രേഷ്ഠ കാതോലിക്ക ബാവയോടും,
അഭിവന്ദ്യപിതാക്കന്മാരോടും ഈ ഇടവക കൂറും വിധേയത്വവുംഉള്ളതായി നിലകൊള്ളുന്നു.

Get Directions